News

          • Отан қорғаушы және Жеңіс күні мерекелері

          •          Лицейімізде 3-мамырда Отан  қорғаушы  және  Жеңіс күні мерекелеріне арналған әдеби-музыкалық кеш өтті.

                   Бұл  мерекелік шара Ұлы Отан соғысында құрбан болған аталарымыз бен әкелеріміздің, мәңгі жас болып, жадымызда сақталған жауынгерлер мен офицерлер рухына, бейбіт кезеңде дүниеден өткен ардагерлерге, бүгінде ортамызда жүрген Ұлы Отан соғысы ардагерлерінің құрметіне арналды.
                    9 «А» сынып оқушысы Лакимова Дилярам Кеңес Одағының Батыры Әлия Молдағұлованың рөлін сомдап өлең оқыды. Ал Сағи Венера «Әлия» әнін орындады.

                  10 «А» сынып оқушысы Тынысбекова Эльнура соғыстан ұлын күткен «Ана монологын» мәнерлеп оқыса, Өтеген Аружан «О, аналар!» әнін орындады.

                        Кешті жүргізуші, 10-сынып оқушысы Рүстемова Диана:

            «Ел үшін құрбан болғандарың үшін!

            Мәңгілік үнсіз қалғандарың үшін!

            Мәңгілік от боп жанғандарың үшін!

            Еске алып бір минут үнсіз тұрайық! – деп үнсіздік минутын жариялады.

                     8-сынып оқушысы  Құралбай Аружан әйгілі «Катюша» әнін орындады, 10-сыныбының қыздары осы музыкаға би биледі.

                      10-сынып оқушылары «Сарбаздар» және «Атамекен» әндерін шырқап, саппен жүрді.

                      Кеш соңында «Жеңіс күні» әні шырқалды.

                  Өткен аптада  Отан қорғаушы және Жеңіс күні мерекелеріне арналған спартакиада ұйымдастырылды. Нәтижелері бойынша марапаттау өткізілді.

             

          • «The intellectuals challenge» Халықаралық Кембридж жарысы

          • 2018 жылы 20-23 сәуір аралығында Англияның Кембридж Университетінде  «The intellectuals Challenge Competition» (TIC)  Халықаралық  жарысы өткізілді.

            Барлығы 28 мемлекеттен 300-дей оқушы қатысты. Оның ішінде Қазақстан,  Қырғызстан,  Литва,  АҚШ, Аустралия,  Босния, Индонезия,  т.б. елдер бар.

            Біздің лицейден қатысқан 10 «Б» және  9 «С»  сыныбының оқушылары Жаңабай Адель мен  Нукпи Асыл.

            Жарыс үш кезеңнен өтті:

            • Дебат.

            • Эссе жазудан Асыл алтын, Адель күміс медальдармен марапатталды. 

            • Асыл әлеуметтік ғылымдар, Адель өнер және дизайн  олимпиадасында жоғары нәтиже көрсетіп, екеуі де І орынға ие болып, алтын медальмен марапатталды.

            Викторина ретінде өткізілген  командалық ойында да біздің қыздарымыз алтын медальдарға ие болды.

            Оқушыларға жетекшілік еткен ағылшын тілі пәнінің мұғалімі Алиева Ғазиза Дуйсенбиевна.

                     Сонымен бірге оқушылар Лондондағы  Букингем сарайын, гайд саябағын аралады.

                     Кембриджге деген саяхат сәтті аяқталды.

      • Login